گهیځ
کابل-ګهیځ نیوز(د مرغومي / جدی ۶ مه نېټه)
د ګهیځ نیوز د خبر له مخې د کلیو، بیارغونې او پراختیا وزارت مسوولینو خبر ورکړی، چې بادغیس ولایت کې د ۳۳۴ میلیونه افغانیو په لګښت د اوبو رسولو شبکه جوړه شوه.
د مسوولینو په خبره دغه شبکه ١٢٠ متره اوږدوالی لري، چې له قادس ولسوالۍ څخه قلعه نو ښار ته اوبه انتقالوي.
د دې شبکې په اوږدو کې ۵۴۵۰ نلکې هم نښلول شوي دي.
د یادونې وړ ده، چې د دې پروژې کار په ۱۳۹۶ لمریز کال کې په دریو پړاوونو کې پیل شوی و، چې اوس یې درېیم پړاو بشپړ او ګټې اخیستنې ته وسپارل شوه.
د دې پروژې د پرانیستې په مراسمو کې سیمه ییزو چارواکو او ګډونوالو د دې پروژې پر اهمیت ټینګار وکړ او دا یې د بادغیس د خلکو لپاره یو ستر پرمختګ وباله، چې د هغوی د ژوند کېفیت په ښه کولو کې به مهم رول ولوبوي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/