بدخشان کې د ټرافیکي پېښې له کبله اوو تنو ته مرګ – ژوبله اوښتې

کابل-ګهیځ نیوز(د کب / حوت ۷ نېټه)

د ګهیځ نیوز خبر له مخې د بدخشان ولایت ځایي امنیتي مسوولینو خبر ورکړی، چې د دغه ولایت د ارګو ولسوالۍ اړوند سیمه کې د يو سراچه موټر د چپه کېدو له امله دوه تنو ژوند بایللی او پنځه نور ټپيان دي.

د بدخشان د امنیې قوماندانۍ مسوولینو رسنیو ته ویلي، چې دغه پېښه د ارګو ولسوالۍ د کمالستان د هزاره بېډک په کلي کې رامنځته شوې ده.

د مسوولینو په خبره دې پېښه کې دوه تنه ځای پر ځای مړه شوي او پنځه نور چې په کې دوه ښځې، دوه ماشومان او يو نارينه شامل دي، ټپيان شوي دي.

د یاد ولایت ځایي امنیتي مسوولینو ویلي، ټپيان د فيض آباد ولايتي روغتون ته لېږدول شوي او تر درملنې لاندې دي.

ـــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/