گهیځ
کابل-ګهیځ نیوز(د سلواغې / دلو ۱۴ مه نېټه)
د ګهیځ نیوز د خبر له مخې پاکستاني رسنیو راپور ورکړی، چې د دغه هېواد په سوېل ختیځ بلوچستان ایالت کې د وسلوالو په یو کمین کې ۱۸ پاکستاني پوځیان وژل شوي او درې نور ټپیان دي.
د پولیسو یوه چارواکي چې نه یې غوښتل نوم یې په راپور کې یاد شي فرانس پرېس خبري آژانس ته ویلي، چې شاوخوا ۸۰ وسلوالو د بلوچستان ایالت منګوچار ښار ته نږدې د سرحدي ملیشه ځواکونو پر یو موټر برید وکړ.
د هغه په خبره د سیمه ییزو سرچینو د معلوماتو په اساس په دې برید کې ۱۷ مسافر او یو نیمه پوځي چې د دوی مرستې ته راغلی و ووژل شول.
دې سرچینې زیاته کړې، چې په برید کې درې ملېشه عسکر سخت ټپیان شوي هم دي او دوه نور له سیمې روغ تښتېدلي، خو د پاکستان پوځ په یوه خپاره کړي بیان کې د ۱۸ نیمه پوځي عسکرو وژل کېدل تایید کړي دي.
د پاکستاني پوځ د معلوماتو له مخې دغه برید کې ۱۲ وسلوال هم دوی وژلي، خو وسلوالو لا تر دې دمه په دې تړاو څه نه دي ویلي.
د پاکستان لومړي وزیر شهباز شریف د یوې اعلامیې په خپرولو سره دا پېښه غندلې ده.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/