گهیځ
کابل-ګهیځ نیوز( د حوت/کب ۹ مه نېټه):
د بهرنیو چارو وزارت له لوري په خپره شوې خبرپاڼه کې هغو ډیپلوماټانو ته د رسماً کار پیل کولو سپارښتنه شوې، چې د وزارت له لوري تېره ورځ یاد هېواد ته استول شوي دي.
دغه وزارت زیاته کړې، چې تېره ورځ د ترکيې په استانبول کې د افغانستان په جنرال کونسلګرۍ کې د بهرنيو چارو وزارت له خوا استول شوي ديپلوماتان دې خپل کار رسما پيل کړي.
خبرپاڼه کې ویل شوي، چې د بهرنيو چارو وزارت هڅه کوي څو د ډيپلوماټيکو فعاليتونو تر څنک، په بهر کې د افغانستان سياسي استازولۍ په بشپړ مسوووليت او شفافيت سره بهرمېشتو وطنوالو ته کونسلي خدمات وړاندې کړي.
دوی وایي، د دې ترڅنګ چې د ترکيې جمهوريت سره سرپرست افغان حکومت ډيپلوماټيکې اړيکې ځانګړی اهميت لري، استانبول کې د زرګونو افغان کډوالو شتون د دې ښار اهميت لا زياتوي او ايجابوي چې د افغان حکومت استازي په شفاف ډول ټول لازم خدمات وړاندې کړي.
تر دې یو ورځ وړاندې ایران کې هم د سرپرست افغان حکومت نویو ډیپلوماټانو خپلې چارې رسماً پیل کړې
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/