گهیځ
کابل-ګهیځ نیوز( د جدی/مرغومی ۸ مه نېټه):
د جرمني د پراختیا او اقتصادي همکاریو وزیرې سوینیا شولتزه ویلي، جرمني له افغانستان سره د بشري مرستو د بندولو نیت وروسته له هغې کړی چې د افغانستان سرپرست حکومت په غیر دولتي موسسو کې د ښځو پر کار بندیز ولګو.
نوموړې زیاته کړې، دا پرېکړه د دې لامل شوې چې ډېری بشرپالې ادارې خپل فعالیت ودروي، ځکه دوي وایي له ښځو پرته خپل کارونه مخته نشي وړلی.
د ده په وینا دا ډول محدودیت د افغانستان خلکو ته د بشري مرستو پر رسولو منفي اغېز کوي.
په همدې حال کې د جرمني د بهرنیو چارو وزیرې انالنا بایربوک هم پر خپلې ټویټر پاڼې د افغانستان د سرپرست حکومت دغه پرېکړه غندلې ده.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې لۀ خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/