گهیځ
کابل-ګهیځ نیوز(د سلواغې / دلو ۲۱ مه نېټه)
د ګهیځ نیوز د خبر له مخې د افغانستان ملي دفاع وزارت له ازبکستان څخه امریکا ته د افغان چورلکو د انتقال په اړه اندېښنه څرګنده کړې او دا کار یې د نه منلو وړ بللی.
د دفاع وزارت له لوري په خپره شوې خبرپاڼه کې ویل شوي، چې یادې چورلکې د افغانستان ملکیت دی او باید بېرته افغان حکومت ته وسپارل شي.
په خبرپاڼه کې راغلي، دغه چورلکې چې د جمهوریت له راپرځېدو وروسته ازبکستان ته انتقال کړل شوي او اوس امریکا ته لېږدول کیږي، چې دا اقدام د افغانستان د حاکمیت او مالکیت خلاف دی.
دفاع وزارت له ګاونډیو هېوادونو غوښتي، چې د افغانانو حق ته درناوی ولري او له امریکا یې غوښتنه کړې، چې د یادو الوتکو د بېرته انتقال پر لاره دې خنډونه نه جوړوي.
د جمهوریت نظام له راپرځېدو وروسته د افغانستان ګڼې چورلکې ګاونډیو هېوادونو په ځانګړي ډول ازبکستان او تاجکستان ته انتقال شوې، چې اوس امریکا په ازبکستان کې له دغو چورلکو ۷ پوځي هلیکوپټرې امریکا ته انتقال کړې.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/