د اسلامي همکاریو سازمان له ترکي چارواکي سره د افغانستان په اړه خبرې کړي

کابل-ګهیځ نیوز(د کب/ حوت ۲۰ مه نېټه)

د ګهيځ نیوز د خبر له مخې افغانستان لپاره د اسلامي همکاریو سازمان ځانګړي استازي طارق علي بخیت، په کابل کې د ترکیې له پخواني سفیر او د دغه هېواد د بهرنیو چارو وزارت د سویلي آسیا څانګې له رییس سره د افغانستان په اړه ناسته کړې.

یاده ناسته چې د اسلامي همکاریو سازمان په سکرتریت کې ترسره شوې، په کې دواړو لورو د افغانستان سیاسي، اقتصادي او بشري وضعیت په اړه خبرې کړي.

دوی د افغانانو د ملاتړ پر دوام، د بشري مرستو پر همغږۍ او له اوسنیو چارواکو سره د بېلابېلو مهمو مسایلو په اړه د رغنده خبرو اترو د دوام پر ارزښت ټینګار کړی دی.

طارق علي بخیت ویلي، د اسلامي همکاریو سازمان د افغان ولس د سوکالۍ لپاره د نړیوال تعامل پراخېدو ته ژمن دی او هڅه کوي، چې له غړو هېوادونو سره د افغانستان په ملاتړ ګډ کار ته دوام ورکړي.

د ترکیې استازي هم د افغانستان د اوسني وضعیت د ښه والي لپاره د دوامداره همکارۍ ژمنه کړې او ټینګار یې کړی، چې ترکیه به د افغانستان د ثبات او پرمختګ لپاره خپل ملاتړ ته دوام ورکړي.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/