گهیځ
کابل-ګهیځ نیوز(د لیندۍ / قوس ۲۴ مه نېټه)
د ګهیځ نیوز د خبر له مخې د افغانستان کرکټ ملي لوبډله به د کابل پر وخت نن د مازیګر څلور بجې د زمبابوې پر وړاندې د روانې شل اوریزې لوبلړۍ په پایلوبه کې مخامخ شي.
د زمبابوې په کوربتوب ترسره کېدونکې دې لوبلړۍ کې تر دې دمه دواړو لوبډلو یوه – یوه بریا خپله کړې ده.
لومړۍ لوبه زمبابوې په خپل نوم کړه، خو افغان لوبډلې تېره ورځ په دوهمه سیالۍ کې بریا خپله کړه او لوبلړۍ یې مساوي کړه.
د لوبلړۍ پایلوبه به نن ترسره شي، چې ګټونکې لوبډله به د دې شل اوریزې لړۍ اتلولي ترلاسه کړي.
د کرکټ بورډ د مسوولینو په وینا افغان لوبډله به هڅه وکړي، چې د زمبابوې په کوربتوب د دې لوبلړۍ اتلولي په خپل نوم کړي.
د دواړو لوبډلو ترمنځ نننۍ سیالۍ لپاره د کرکټ مینوال په تمه دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/