گهیځ
کابل-گهیځ نیوز( د قوس/ليندۍ ۱۶):
د اولمپیک نړیوالې کمېټې له خوا په خپره شوې خبرپانه کې افغانستان ته خبرداری ورکړل شوی چې که لوبو کې ښځینه لوبغاړو ته اجازه ورنه کړي، نو د المپیک نړیواله اداره به له افغانستان سره خپلې اړیکې پرې کړي.
دغې نړیوالې کمېټې په یاده اعلامیه خبرداری ورکړی چې کېدای شي دا بنسټ د ۲۰۲۴ کال له المپیک مخکې افغانستان سره کار کول ودروي.
تر دې وړاندې د کرکټ نړیوالې شورا هم ورته غوښتنه کړې وه چې بیا د کرکټ بورډ مسوولینو له خوا د کرکټ نړیوالې شورا سره تر خبرو او قناعت وروسته افغان کرکټ د پخوا په څېر عادي پاتې شو.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې لۀ خبري چینلونو سره ملګري شئ⬇
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/