گهیځ
کابل/ګهیځ: نن چهارشنبه (د تلې/میزان ۲۷مه او د اکټوبر میاشتې ۱۹مه نېټه ده) تمه ده، چې سبا د ملګرو ملتونو د امنیت شورا په ناسته کې په افغانستان کې د ښځو پر وضعیت او حقونو بحث وشي.
دا خبره په ملګرو ملتو کې د افغانستان سرپرست استازي نصیر احمد فایق رسنیو ته کړې او ویلي یې دي، چې د غونډې ګډونوال به د ښځو او نجونو وضعیت وارزوي او د حل پر لارو چارو به يې بحث وکړي.
د افغانستان د نوي سرپرست حکومت پېژندو لپاره ظاهراً د امریکا یو شرط ښځو او نجونو ته د کار او زده کړو اجازه ورکول دي.
واک ته د ا.ا له رسېدو وروسته که څه هم د خلاصېدو تکراري ژمنې یې کږي خو د نجونو پر مخ تر شپږم ټولګي پورته ښوونځي تړل شوي او له یو شمېر ادارو ښځې ګوښه کړی شوې دي.
