گهیځ
کابل-ګهیځ نیوز(د زمری/اسد ۱۱ مه نېټه)
د ګهیځ نیوز د خبر له مخې نیویارک ټایمز ورځپاڼې د دریو ایراني سرچینو له قوله ویلي، چې د ایران ستر مذهبي مشر ایتالله علي خامنه يي خپل هېواد ته امر کړی، چې د ایران په خاوره کې د اسماعیل هنیه د وژل کېدو په غچ کې دې پر اسرايیلو مستقیم برید وکړي.
د نیویارک ټایمز په راپور کې د دغو دریو سرچینو هویت نه دی په ډاګه شوی، خو ویلي یې دي، چې له هغو دریو سرچینو څخه دوه یې د ایران د سپا پاسدران غړي دي.
د دوی په وینا ایران به د اسرايیلو پر پوځي اهدافو د بېپیلوټه الوتکو او راکټونو بریدونه وکړي.
دغې ورځپاڼې زیاته کړې، ایران د دې احتمال په اړه هم څېړنه کوي، چې د ایران له خاورې پر اسرايیلو د مستقیم برید په څېر به د یمن، سوریې او عراق له ځینو برخو هم د اسرايیلو پر لور بریدونه وشي.
تر دې وړاندې د ایران ستر مشر د هنیه له وژل کېدو وروسته پرون په خپل پیغام کې وویل، چې اسراییل په دې کار سره د ځان لپاره سختې سزا ته تیار دی.
د حـ. ـماس سیاسي دفتر مشر اسماعیل هـ.ـنیه د چهارشنبې په سهار د تهران په شمال کې له خپل یوه ساتونکي سره په شهادت ورسېد.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/