د ایران په کرمان کې د چاودنو له امله د وژل شویو کسانو شمېر له سلو پورته شو

کابل-ګهیځ نیوز( د جدی/ مرغومي ۱۴ مه نېټه):

د ګهیځ نیوز د خبر له مخې ایراني رسنیو د خپلو ځایي چارواکو له قوله خبر ورکړی، چې د ایران په کرمان کې د شویو دوو چاودنو له امله د وژل شویو کسانو شمېر ۱۰۵ تنو ته رسېدلی دی.

د خبر پر بنسټ، چاودنې د قاسم سلیماني د تلین په مراسمو کې شوي دي.

ځایي سرچینو ویلي، چې پېښه کې نږدې ۲ سوه ۱۱ ژوبل شوي هم دي.

دا چاودنه د ګلزار شهدای کرمان پر لاره صاحب الزمان جومات ته څېرمه شوې ده.

د ایران دولتي هیئت د دغو چاودنو د مرګ – ژوبلې په وجه عمومي ویر اعلان کړی دی.

د مسوولینو په وینا د ډېری ټپیانو روغتیایي وضعیت د اندېښنې وړ دی، چې ښایي د وژل شویو په شمېر کې د پام وړ ډېرښت راشي.

تر اوسه د دغو چاودنو مسوولیت چا نه دی منلی، خو ایراني چارواکو دغه برید ترهګریز بللی دی.

ــــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/