گهیځ
کابل-ګهیځ نیوز( د قوس/ لیندۍ ۱۳ نېټه):
د راپورونو له مخې د تاجکستان د ولسمشر مطبوعاتي دفتر په یوه خپره کړې خبرپاڼه کې ویلي، چې ولسمشر امام علي رحمان د نړیوال بانک له مشر اجې بنګا سره کتنه کې د نورو مواردو ترڅنګ د کاسا زر پروژې د بیا پیل په اړه خبرې کړې دي.
د راپور پر بنسټ، دغه لیدنه په دوبۍ کې د ملګرو ملتونو د اقلیمي بدلون د ۲۸ م کنفرانس په څنډه کې ترسره شوې ده.
د اعلامیې له مخې ولسمشر امام علي رحمان پر دې ټینګار کړی، چې د برېښنا د لوړ ولتاژ لرونکې پروژې چارې باید له سره پیل شي.
د کاسا رز پروژه د افغانستان له لارې د مرکزي آسیا د انرژۍ مارکېټ له جنوبي آسیا سره نښلوي. د دغې پروژې په عملي کېدو سره به له قرغزستان او تاجکستان څخه ۱۳ سوه مېګاواټه برېښنا افغانستان او پاکستان ته ولېږدول شي.
تېر کال نړیوال بانک د دې پروژې د نه تمویل کېدو خبر ورکړی و او لا یې هم په اړه نوي څه نه دي ویلي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/