د تورخم دروازې خلاصون په اړه وروستۍ ناسته هم بې پایلې شوه

کابل-ګهیځ نیوز(د کب/ حوت ۲۸ مه نېټه)

ګهیځ نیوز ته له تورخم څخه یوې باوري سرچیني ویلي، چې د تورخم دروازې خلاصون په اړه د دواړو غاړو سوداګرو ترمنځ وروستۍ ناسته تېره شپه شوې، چې له کومې پرېکړې پرته پای ته رسېدلې.

د سرچینې په خبره د کوزې پښتونخوا د جرګې غړي افغان لوري ته پیغام راوړی، چې هېڅ ډول تاسیسات به نه جوړوي. افغان لوري بیا دغه موضوع نه ده منلې، چې له امله یې ناسته بیا ځل بې پایلې پای ته رسېدلې.

د تاسیساتو له جوړولو د افغان لوري لاس په سر کېدل د جنجال اصلي موضوع ده، چې له امله یې دغه لار تر دا مهاله تړلې پاتې ده.

په رسمي ډول دواړو لورو لا تر دې دمه څه نه دي ویلي.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/