گهیځ
کابل-ګهیځ نیوز(د کب/ حوت ۲۰ مه نېټه)
د ګهیځ نیوز د خبر له مخې پاکستاني خبریال طاهر خان د دغې ناستې د یو ګډونوال له قوله ویلي، چې د تورخم دروازې پرانیستې لپاره د افغانستان او پاکستان سوداګرو ترمنځ مذاکراتو لومړی دور ترسره شو، خو سمدستي یې د لارې د پرانیستو لپاره هېڅ پایله ورنه کړه.
د مذاکراتو دغه غړي ویلي، پاکستاني لوري دوه مهم شرطونه وړاندې کړي، چې افغان لوری به تاسیسات نه جوړوي، خو که پاکستاني لوری تاسیسات جوړوي، افغان لوری به یې مخالفت نه کوي.
دغه راز به د کوچني اختر تر لسمې پورې دواړه لوري اوربند کوي او د بند پاتې مسافرو لپاره به دروازه پرانیستل کیږي.
افغان پلاوي ویلي، دا وړاندیزونه به مرکز کې له افغان حکومت سره شریک کړي او نن د مارچ په ۱۰مه به پاکستاني لوري ته ځواب ورکړي.
د تورخم دروازې تړل کېدو سره دواړه غاړې سوداګرو ته درانه اقتصادي زیانونه اوښتي او سلګونه لارۍ او باروړونکو موټرو باندې بار مالونه د خرابېدو له خطر سره مخ دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/