د جعل او تزویر په مخنیوي کې د ننګرهار شهیدانو او معلولینو ریاست ۱۰ میلیونه افغانۍ بېرته د دولت خزانې ته سپارلي

کابل-ګهیځ نیوز(د وری/ حمل ۳ مه نېټه)

د ګهیځ نیوز د خبر له مخې ننګرهار کې د شهیدانو او معلولینو چارو ریاست مسوولین وایي، په دې ادارې کې یې د شفافیت ټینګښت لپاره د شهیدانو او معلولینو د مرستو فورمې ارزولي، چې له مخې یې سلګونه غیر مستحق کسان پېژندل شوي او د مساعدت له لېسته وېستل شوي دي.

د یاد ریاست رییس قاري محمد صابر ځواک ویلي، تر اوسه ۲زره ۶۵۰ کورنۍ غیر مستحق ثابت شوي او همدا راز ۲زره ۲۲۵ معلولین د مساعدت له اصولو خلاف پېژندل شوي دي.

نوموړي زیاته کړې، چې د یاد ریاست د پلټنو له لارې هغه کسان هم معلوم شوي، چې په تېرو کلونو کې یې د جعل او تزویر له لارې مالي مرستې ترلاسه کړې وې.

د نوموړي په وینا د دې کسانو دوسیې عدلي او قضايي ارګانونو له لارې څېړل کیږي، خو ورکړل شوې افغانۍ ترې بېرته ترلاسه او له ۱۰ میلیونه افغانیو ډېرې یې بېرته د اسلامي امارت خزانې ته سپارل شوي دي.

د ننګرهار شهیدانو او معلولینو چارو ریاست مسوولین وایي، د پاتې مالي حساب – کتاب پروسه به تر بشپړ شفافیت پورې روانه وي.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/