د روسیې د بريدونو له وېرې په کیيف کې د امريکا سفارت وتړل شو

کابل-ګهیځ نیوز(د لیندۍ / قوس لومړۍ نېټه)

د ګهیځ نیوز د خبر له مخې رويټرز خبري آژانس راپور ورکړی، چې اوکراين کې د احتمالي بريدونو له وېرې د امريکا سفارت تر امر ثاني پورې تړل شوی دی.

د امريکا حکومت خپلو اتباعو ته لارښوونه کړې، چې د احتمالي هوايي بريدونو له وجې خوندي ځايونو ته لاړ شي.

د سفارت په وينا د دوی چارې به د احتمالي بريدونو له امله بند وي او که د هوايي بريد خبرداری ورکړل شو، نو امريکايي وګړي دې ژر تر ژره ځانونه خوندي ځايونو ته ورسوي.

دا اقدام وروسته له هغه وشو، چې روسيې د اتومي وسلو کارولو په قانون کې بدلون راوست.

د دغه بدلون له مخې، روسيه کولی شي د اتومي بريدونو ځواب په اتومي بريد ورکړي.

په ورته وخت کې، امريکا اوکراين ته اجازه ورکړې چې له پرمختللو امريکايي لرې واټن ويشتونکو توغنديو څخه استفاده وکړي، چې د دواړو هېوادونو ترمنځ یې کړکېچ لا پسې زیات کړی دی.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/