گهیځ
ګهیځ نیوز: نن سې شنبه (د غوايي یا ثور ۲۰مه او د مۍ میاشتې ۱۰مه نېټه ده) سیګار ویلي چې افغانستان له داسې سختې وچکالۍ سره مخامخ دی چې دې هېواد په وروستیو دریو لسیزو کې نده لیدلې.
د افغانستان د بیا رغونې پر چارو د امریکا د سرمفتش ادارې په یوه ټویټ کې دا خبره کړې او د سره صلیب او د سرې میاشتې د کمېټو په حواله یې ویلي چې په افغانستان کې په منځني ډول هغه سیمه ډیره کمه شوې چې تر ژمي مخکې پرې غنم کرل شوي دي.
تر دې مخکې د ملګرو ملتونو د خوړو او کرنې ادارې FAO ویلي و چې افغانستان د ۳۴ ولایتونو له ډلې ۲۵ یې سختې وچکالۍ ځپلي چې دې چارې د شاوخوا ۱۴ ميلیون وګړو ژوند اغېزمن کړی دی.
