گهیځ
کابل-ګهیځ نیوز(د وری/ حمل ۹ مه نېټه)
د ګهیځ نیوز د خبر له مخې د عامې روغتیا وزارت د يوې خبرپاڼې په خپرولو سره ویلی چې د عامې روغتیا وزیر، ښاغلي مولوي نورجلال جلالي، تیره ورځ په خپل کاري دفتر کې د IFRC موسسې له مشر احمد سلیمان سره لیدنه کړې.
په دې لیدنه کې دواړو لورو د دوه اړخیزو همکاریو پراختیا، همغږۍ ښه کولو، د روغتیايي خدمتونو د ښه کولو او د روغتیايي کارکوونکو د مدیریت په اړه بحث کړې.
په خبرپاڼه کې ویل شوي چې ښاغلي جلالي د IFRC موسسې له مشر نه د بېرته راستنېدونکو کډوالو لپاره د روغتیايي خدمتونو برابرولو، د اندراګاندي روغتون کې د ماشومانو د زړه جراحي عملیاتونو پیلولو لپاره د ملاتړ غوښتنه وکړه، همدارنګه د روغتیايي کارکوونکو د ظرفیت لوړولو او نورو برخو کې د همکارۍ غوښتنه یې هم کړې.
همدا راز احمد سلیمان د افغانستان په اړه د IFRC د روغتیايي فعالیتونو په اړه معلومات ورکړل او د اړوند غوښتنو په اړه د همکارۍ ژمنه یې وکړه.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/