گهیځ
کابل-ګهیځ نیوز( د ثور/غویي ۱۶ نېټه):
د هندي رسنیو د خبر له مخې د هند تر ولکې لاندې کشمیر کې د وسلوالو پر ضد د پیل شویو عملیاتو پرمهال پنځه تنه هندي سرتیري وژل شوي دي.
رویټرز خبري اژانس ویلي، وژل شوي پولیس د نورو پولیسو سره یوځای کشمیر کې د وسلوالو مخالفینو پر ضد عملیاتو باندې بوخت وو، چې وسلوالو سره د نښتې په ترڅ کې ووژل شول.
دغې آژانس ویلي، چې پېښه کې یو بل پولیس ټپي شوی هم دی.
د هند پوځ هم په یوه بیان کې ویلي، چې د جمعې په ورځ یې پوځ د وسلوالو پر ضد د لټون عملیات پیل کړل، چې په یوه سیمه کې یې له پوځ سره وسلوال په نښته کې ښکېل شول.
د دوی په خبره د دغې نښتې په پایله کې دوه هندي سرتیري ځای پر ځای ووژل شول او درې تنه نورو یې د سختو ټپونو له امله ساه ورکړه.
د هند تر ولکې لاندې کشمیر کې د هند حکومت یو شمېر مخالف وسلوال فعال دي، چې هندي چارواکي یې تر شاه د پاکستاني حکومت لاس بولي.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/