گهیځ
کابل-ګهیځ نیوز( د دلو/سلواغه ۱۱ مه نېټه):
د پیسو نړیوال صندوق پلاوی نن په داسې حال کې پاکستان ته ورغی، چې د دغه هېواد اقتصاد د سقوط سره مخامخ دی.
د راپورونو له مخې دغه هېواد کې انفلاسیون لوړ شوی او د کلدارو ارزښت په بې ساري کچه رالوېدلی دی.
د پاکستان لومړي وزیر شهباز شریف په تېرو څو میاشتو کې د مالیاتو د لوړولو او دولتي مصارفو کمولو لپاره د پیسو نړیوال صندوق غوښتنې د دې لپاره رد کړې، چې کېدای شي دا کار د را روانې اکتوبر میاشتې له عمومي ټاکنو وړاندې د خلکو د مخالفت سبب شي.
د پیسو نړیوال صندوق پلاوی په داسې حال کې پاکستان ته ځي، چې تر دې وړاندې یې پاکستان ته سخت ترین شرایط د قرضیې د ورکړې لپاره مخته ایښي و.
دغه هېواد ته د پېسو نړیوال صندوق پلاوی په داسې مهال سفر کړي چې هلته د ډالرو د کمښت له امله د پاکستان بانکونو د وارداتي مالونو د تادیاتو له ورکولو ډډه کړې چې له امله یې په زرګونو کانټینره وارداتي مالونه د پاکستان د کراچۍ په بندر کې بند پاتې دي.
راپورونه وایي، چې د دغو کانټینرونو د بندښت له امله دغه هېواد کې د اړینو خوراکي او نورو موادو سخت کمی هم رامنځته شوی دی.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې لۀ خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/