گهیځ
کابل-ګهیځ نیوز(د سرطان ۲۰ مه نېټه)
د ګهیځ نیوز د خبر له مخې پاکستاني رسنیو د خپلو چارواکو له قوله راپور ورکړی، چې د دغه هېواد د لومړي وزیر مرستیال او د بهرنیو چارو وزیر اسحق دار به نږدې ورځو کې افغانستان ته سفر وکړي.
د رسنیو په حواله د پاکستان د سنا جرګې د بهرنیو اړیکو په نوې جوړه شوې غونډه کې اسحق دار دغه څرګندونې کړې دي.
نوموړی دغه سفر په داسې مهال کوي چې پاکستان په مکرر ډول د اوسني افغان حکومت تر مشرۍ لاندې افغان خاوره کې د پاکستاني طـ.ـالـ.ـبانو د شتون ادعاوې کړي، خو افغان حکومت یې دا ادعا په کلکه رد کړې او ویلي دي، چې پاکستان کې بریدونه او ناامني د هغوی خپله ستونزه ده او په کار ده چې افغانستان په کې ملامته نه شي.
افغانستان ته د پاکستان د بهرنیو چارو د وزیر اسحق دار د سفر تر اعلان یو ورځ مخکې د پاکستان د بهرنیو چارو پخواني وزیر او د پيپلز پارټۍ رهبر بلاول بوټو زرداري ویلي، په تشو سفرونو د پاکستان ستونزې نه هواریږي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/