گهیځ
کابل-ګهیځ نیوز(د زمری/اسد ۱۳ مه نېټه)
د ګهیځ نیوز د خبر له مخې د پښتون ژغورنې غورځنګ یا PTM ګڼو مخکښو غړو د دغه غورځنګ د یوه پېژندل شوي غړي، علي وزیر نیول غندلي او د نوموړي د خوشې کېدو غوښتنه یې کړې.
پاکستاني چارواکو تر دا دمه رسماً د نوموړي د نیولو پخلی نه دی کړی، خو د پي ټي ایم سرچینو رسنیو ته د علي وزیر د نیولو خبر ورکړی دی.
سرچینو ویلي، چې تېره شپه اسلام آباد کې دوو موټر سایکل سپرو د علي وزیر له موټر سره ټکر کړی، چې یو تن تښتېدلی او بل ټپي شوی، چې علي وزیر ټپي کس د اسلام آباد یوه روغتون ته رسولی او بیا له هغه ځایه پولیسو دی له ځان سره بېولی دی.
علي وزیر چې د پاکستان په پارلمان کې د جنوبي وزیرستان استازی هم پاتې شوی، تر دې وړاندې د دوو کلونو او دوو میاشتو بند له تېرولو وروسته د ۲۰۲۳زېږدیز کال په فبروري میاشت کې د کراچۍ له یوه زندانه خوشې شو.
پر نوموړي تور و، چې د پاکستان د امنيتي ځواکونو پر ضد یې په خبرو سره خلک پارولي وو، خو نوموړي دا تورونه بېبنسټه بللي وو.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/