گهیځ
کابل-ګهیځ نیوز( د قوس/ لیندۍ ۱۹ نېټه):
د راپورونو له مخې د افغانستان د چاپېریال ساتنې ملي ادارې پر خپلې ټویټر پانې یوه لیکلي بیان کې ویلي، چې د ژمي له راتګ سره د ښارګوټو او لوړپوړیزو ودانیو مسوولین دنده لري، چې خپل د تودولو سیسټمونه برقي یا ګازي جوړ کړي.
د راپور پر بنسټ، یادې ادارې په دې خپاره کړي بیان کې ویلي، چې د کابل ښار د هوا د ککړتیا د مخنیوي لپاره یې په ګڼ مېشتو سیمو، لوړپوړیزو ودانیو او ښارګوټو کې د خبرتیا لپاره څه باندې ۲ زره اطلاعیې خپرې کړې دي.
دغه اداره زیاتوي چې د دوی څارونکي شپه – ورځ د کابل ښار په ټولو برخو کې د هوا د ککړتیا سرچینې څاري او له سرغړوونکو سره به یې قانوني چلند وشي.
په دې وروستیو کې د کابل هوا، ډېره زیاته ککړه شوې او له بلې خوا د ورښتونو نشتون هم اندېښنې زېږولي دي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/