گهیځ
کابل-ګهیځ نیوز(د لیندۍ / قوس ۲۰ مه نېټه)
د ګهیځ نیوز د خبر له مخې د کرنې، اوبو لګولو او مالدارۍ وزارت په خپره کړې خبرپاڼه کې ویلي، چې د دغه وزارت د کرنې او مالدارۍ معین د اروپا اتحادیې له ځانګړي استازي توماس نیکولاسن سره کتلي.
په دې کتنه کې د کوکنارو کښت او بدیلو کرنیزو تولیداتو د زیاتوالي، د افغان محصولاتو لپاره د بازارموندنې، د پروژو تطبیقي بهیر د آسانه کولو او له بزګرانو او مالدارانو سره د همکارۍ په اړه خبرې شوې دي.
د کرنې، اوبولګولو او مالدارۍ وزارت د اطلاعاتو له مخې، په دې کتنه کې مولوي عـثماني د اروپایي اتحادیې له لوري د تمویل کوونکو مؤسسو لخوا د ځینو پروژو پر تطبیق نیوکه کړې او ویلي يې دي، هغه پیسې چې د افغانستان د خلکو لپاره ځانګړې کیږي، باید په شفاف ډول ولګول شي، څو خلکو او بزګرانو ته ډېرې ګټې ورسوي.
د اروپا اتحادیې ځانګړي استازي هم په افغانستان کې د دې اتحادیې لخوا د تطبیق کېدونکو پروژو په اړه معلومات ورکړي او د افغانستان د خلکو د وضعیت د ښه والي لپاره یې د خپلو همکاریو د دوام ډاډ ورکری دی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/