گهیځ
کابل-ګهیځ نیوز(د وږی/سنبله ۱۴ مه نېټه)
د ګهیځ نیوز د خبر له مخې د کار او ټولنیزو چارو وزارت مسوولینو ويلي، چې د روان هجري لمریز کال له پیله تر اوسه یې شاوخوا زرو بهرنیو وګړو ته د کار جوازونه وېشلي.
د یاد وزارت مسوولینو تازه بهرنیو وګړو ته د کار جواز د ورکړې لپاره تورخم بندر کې استازولي جوړه کړه.
له دې سره د سوداګرۍ او پانګونې خونه وايي، په هغو برخو کې چې افغانستان ورته اړتیا لري، بهرنیو وګړو ته د کار جوازونو ورکړه اغېز لري، خو افغان ځوانانو ته هم د کار زمینې پر برابرولو ټینګار کوي.
د کار او ټولنیزو چارو وزارت وايي، په نږدې راتلونکي کې به د هغو بهرنیو وګړو لپاره د اسانتیاوو رامنځته کولو په موخه چې د موسسو او خصوصي سکټور له لارې افغانستان ته د کار لپاره راځي، د هېواد په بندرونو او هوايي ډګرونو کې د کار د جوازونو د وېش استازولۍ جوړې شي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/