گهیځ
کابل-ګهیځ نیوز( د ثور ۱۷مه نېټه):
د ګهیځ نیوز د خبر له مخې د سرپرست حکومت سیاسي مرستیال په کابل کې د روسیې له سفیر دیمیتري ژیرنوف سره کتلي.
د خبر پر بنسټ په دې کتنه کې د روسیې سفیر ویلي، روسیه په بېلابېلو برخو کې له افغانستان سره همکارۍ ته چمتو ده. نوموړي زیاته کړه، چې د سرپرست حکومت او روسیې د دوه اړخیزو همکاریو او تعامل پراختیا کولی شي د سیمې د ثبات او د افغانستان له اقتصادي پیاوړتیا سره مرسته وکړي.
د روسیې سفیر دغه راز د سرپرست حکومت سیاسي مرستیال ته د تاتارستان په کازان کې په جوړېدونکې نړیواله ناسته کې د ګډون بلنه ورکړه.
د ده په خبره د سرپرست حکومت او روسیې همکارۍ او تعامل د سیمې له ثبات سره مرسته کوي.
په دې لیدنه کې د سرپرست حکومت سیاسي مرستیال د دواړو هېوادونو ترمنځ اړیکي مهمې او دوستانه وبللې او له روسي پانګوالو یې وغوښتل چې په افغانستان کې پانګونه وکړي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/