گهیځ
کابل-ګهیځ نیوز( د اسد/ زمري ۷ مه نېټه):
د راپورونو له مخې د روغتیا نړیوال سازمان ويلي، نږدې یو میلیون افغانان په تور زېړي اخته شوي دي.
د راپور پر بنسټ دغه سازمان د تور زیړي د نړیوالې ورځې په مناسبت ویلي، چې شاوخوا ۶۸۰ زره افغانان د هپټایټ پر (B)او شاوخوا ۳۲۰ زره نور د دغه ویروس پر (C)ډول چې تور زېړی ورته ویل کیږي، اخته شوي دي.
د روغتیا نړیوال سازمان پر ټویټر لیکلي، دا ویروسي ناروغي هغه مهال خپریږي، چې پر دې ناروغي د اخته کس وینه یا د وجود نور مایعات یې د روغ کس وجود ته دننه شي.
د دغه سازمان په وینا، هغه کسان چې نشه يي توکي کاروي او یا په یوه ستنه څو کسان پیچاري کوي او ککړ شوي روغتیايي وسایل کاروي، هغه کسان چې په بندخونو یا نورو تړلیو ځایونو کې اوسیږي او یا هغه کسان چې پر تور زېړي له اخته کسانو سره ناخوندي جنسي اړیکې لري، تر ډېره پر تور زېړي اخته کیږي.
ـــــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/