گهیځ
کابل-ګهیځ نیوز(د وری/ حمل ۲ مه نېټه)
د ګهیځ نیوز د خبر له مخې زلمي خلیلزاد کابل کې د بهرنیو چارو له وزیر امیرخان متقي او د رییس الوزرا سیاسي مرستیال مولوي عبدالسلام حنفي سره جلا – جلا لیدنې ترسره کړې دي.
د دغو لیدنو پرمهال د افغانستان او امریکا ترمنځ د اړیکو پر ښه والي او په سیمه ییزو مسایلو په اړه خبرې شوي.
د افغان حکومت چارواکو هم له نوموړي سره په ناستو کې د افغانستان په کورنیو چارو کې پر نه مداخلې او د اقتصادي همکاریو پر پراختیا ټینګار کړی دی.
افغان لوري ویلي، دوی له ټولو هېوادونو سره د متقابل احترام پر بنسټ اړیکې غواړي او د سیمې په ثبات کې رغنده رول لوبول غواړي.
د افغان حکومت مرکزي ویاند ذبیح الله مجاهد هم ویلي، چې افغانستان ته د امریکایي پلاوي سفر د دواړو لوریو ترمنځ د باور جوړونې او د ګډو اندېښنو کمولو لپاره ارزښتمند دی.
د یادونې وړ ده چې افغانستان کې د اوسني حکومت له بیا واکمنېدو وروسته دا لومړی وار دی، چې امریکایي پلاوی افغانستان ته سفر کوي.
تر دې وړاندې ټرمپ افغانستان کې د خپلو پاتې شویو وسلو، دلته پر بندي امریکایي وګړو او د بګرام هوایي ډګر پر ارزښت تندې څرګندونې هم کړې وې.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/