گهیځ
کابل-ګهیځ نیوز(د سرطان ۱۱ مه نېټه)
د ګهیځ نیوز د خبر له مخې د دوحې غونډې د جوړېدو په درشل کې د سرپرست حکومت پلاوي په قطر کې د سعودي عربستان له استازي سره کتلي.
د سرپرست حکومت مرکزي ویاند چې دوحه کې د افغان پلاوي مشري کوي، ویلي چې په دې کتنه کې د دواړو لورو ترمنځ د رغنده خبرو ترڅنګ سعودي عربستان ویلي، چې ژر تر ژره به کابل کې خپل سفارت بېرته پرانیزي.
د مجاهد په وینا سعودي له افغانستان سره د ښه تعامل غوښتنه کړې، چې په مقابل کې یې افغان لوری هم سعودي عربستان ته د یوه مهم هېواد په سترګه ګوري.
سعودي د اوسني افغان حکومت تر بیا واکمنۍ لږه موده وروسته د ځینو مبهمو دلایلو له امله افغانستان کې خپل سفارت وتړه او په کې شته وسایل یې هم د لیلام له لارې وپلورل.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/
