گهیځ
کابل-ګهیځ نیوز(د کب/ حوت ۲۰ مه نېټه)
د ګهیځ نیوز د خبر له مخې د سوریې د بشري حقونو څار ډلې ویلي، د هغو ۷۴۵ ملکيانو سربېره چې له نږدې فاصلې لګېدلي، د دولتي امنیتي ځواکونو ۱۲۵سرتېري او د مخالفو ډلو ۱۴۸ وسلوال په هغو جګړو کې چې د پنجشنبې په ورځ پیل شوې، وژل شوي دي.
د یادې ډلې مرکز چې په بریتانیا کې دی ویلي، په لاذقیه او د شاوخوا په پراخو سیمو کې یې د برېښنا او د څښاک د اوبو د رسولو خدمات هم په ټپه درېدلي دي.
دا وژنې د سوریې په کورنۍ جګړه کې چې ۱۴ کاله مخکې پیل شوه، د تشدد له ډېرو خونړیو مواردو ګڼل کیږي او د نوي حکومت لپاره چې درې میاشتې مخکې یې د بشارالاسد رژیم وپرځاوه او واک ته ورسېد، دا پېښه یوه لویه ننګونه ده.
د احمدالشرع په مشرۍ نوي حکومت ویلي، دا عملیات یې اسد رژیم ته د وفادارو علوي وسلوالو د بغاوت په ځواب کې پیل کړي دي.
دوی ویلي، د بشر الاسد له رژیم پاتې شوني هڅه کوي، چې د سوریې نوی حکومت وازمايي، خو په اصل کې دوی اوسنی حکومت نه پېژني.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/