گهیځ
کابل-ګهیځ نیوز(د سلواغې / دلو ۱۸ مه نېټه)
د ګهیځ نیوز د خبر له مخې د اماني صندوق د مدیره پلاوي غړي شاه محمد محرابي له رسنیو سره په تازه مرکه کې ویلي، چې د دغه صندوق له جوړېدو وروسته د هغه ګټه ۴۴۰ میلیون ډالرو ته رسېدلې ده.
نوموړي ویلي دغه صندوق د اسعارو د بیې تثبیت، د بیو د کچو کنټرول او هېواد کې د مالي ثبات د ساتلو لپاره جوړ شوی دی.
د افغانستان وجهي صندوق د ۲۰۲۲ کال سپټمبر میاشت په سویس کې د امریکا له خوا د دغه هېواد د ۳٫۵ میلیارد ډالره شتمنیو د ساتلو په موخه جوړ شو.
د اقتصادي چارو ځينې شنونکي وايي، تر اوسه د وجهي صندوق له شتمنیو د هېواد د اقتصادي ودې لپاره کار نه دی اخیستل شوی او اړتیا ده، په داسې حالت کې چې افغانۍ د نورو اسعارو پر وړاندې دومره ثبات نه لري، د مالي ثبات د ساتلو لپاره ورڅخه ګټه واخیستل شي.
بل لور اقتصاد وزارت یو ځل بیا له امریکا او اروپايي هېوادونو غوښتي، چې د افغانستان شتمنۍ له قید او شرط پرته آزادې کړي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/