گهیځ
ګهیځ نیوز: نن پنجشنبه (د چنګاښ ۱۶مه او د جولای میاشتې ۷مه نېټه ده) د ا.ا امارت مرکزي ویاند ذبیح الله مجاهد د امریکا ولسمشر جوبایډن ته په ځواب کې ویلي، چې له پرېکړې یې هیڅ اندېښنه نه لري.
له دې مخکې بایډن ویلي و، چې (غواړم، چې د امریکا د غیرناټو د لوی متحد په توګه د افغانستان موقف لغو کړم).
خو مجاهد ویلي، چې دغه دریځ افغانستان ته کومه ګټه نه ده رسولې.
نوموړي زیاته کړې، چې په تېرو ۲۰ کلونو کې افغانانو له همدې دریځه کړاوونه لیدلي او هیڅوک ترې ښه خاطره نلري.
د ښاغلي مجاهد په وینا، مونږ په ډیپلوماټیکو او سوداګریزو برخو کې له نورو هېوادونو سره ښې، مثبتې او ډاډمنې اړیکې غواړي.
