گهیځ
کابل-ګهیځ نیوز(د جوزا ۱۵مه نېټه):
د ګهیځ.نیوز د خبر له مخې د مصر القاهره نیوز چینل راپور ورکړی، چې مصر د رفح له لارې د فلسطيني غاړې څخه د اسراییلي ځواکونو د وتلو پر اړتیا ټینګار کړی، څو یادې پولې ته بېرته خپلې بشري چارې پیل کړي.
القاهره نیوز د یوې لوړ پوړې امنیتي سرچینې په حواله ویلي، په قاهره کې د مصر، امریکا او اسراییلو د استازو په ګډون درې اړخیزه غونډه شوې، چې د مصر او غزې تړانګې ترمنځ د رفح لارې د بیا پرانیستلو په اړه په کې بحث وشو.
د سرچینو په حواله مصري پلاوي د یادې غونډې په ترڅ کې ویلي، چې اسراييل غزې ته د مرستندويه توکو او بشري مرستو د ورتلو د مخنيوي بشپړ مسووليت لري او د بېړنیو اقداماتو غوښتنه يې وکړه، چې هره ورځ لږ تر لږه ٣٥٠ مرستندويه لارۍ دې تړانګې ته ولېږدوي.
د یادونې ده چې دغه کرښه د غزې څخه بهر د ناروغانو او ټپيانو د درملنې او د بشري او مرستندويه توکو د رسولو لپاره يوه اصلي دروازه ده.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/