گهیځ
کابل-ګهیځ نیوز(د کب / حوت ۸ نېټه)
د ګهیځ نیوز د خبر له مخې د ریاست الوزراء اقتصادي مرستیال ملا عـ ـبدالغـ ـني برادر په مشرۍ د ملي تدارکاتو کمېسیون غونډه کې د ۳ میلیارده افغانیو په ارزښت ۲۷ پراختیايي پروژې منظور او ۷ پروژې تعدیل شوې.
د منظور شویو پروژو له ډلې، د کابل ختیځ کې د ټرانسپورټي ترمینل جوړول، د جمهوریت روغتون پاتې چارو بشپړول، د هرات پاشدان او فراه بخش آباد بندونو بشپړول، د غزني سلطان بند ساتنې پروژه، د سرپل سلطان ابراهیم بند تفصیلي ډیزاین، همداراز، د کابل – کندهار برېښنا پایو او لین غځول، له کجکي بند څخه کندهار ته د برېښنا رسول او د کابل ښار داخلي سړکونو جوړولو پروژې شاملې دي.
مسوولین وایي، یادې پروژې به د کرنې، روغتیا، انرژۍ او ټرانسپورټ برخو کې مثبت بدلون راولي.
افغان حکومت ټینګار کړی، چې دا پروژې به د شفافیت، کېفیت او چټکتیا پر بنسټ عملي شي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/
