گهیځ
کابل-ګهیځ نیوز(د سلواغې / دلو ۲۱ مه نېټه)
د ګهیځ نیوز د خبر له مخې د کډوالو په چارو کې د ملګرو ملتونو عالي کمېشنري (UNHCR) د پاکستان له حکومت غوښتنه کړې، چې له اسلام آباد او راولپېنډۍ ښارونو دې افغان کډوال نه باسي.
دغه غوښتنه په داسې حال کې شوې چې د پاکستان حکومت افغان کډوالو ته د یادو ښارونو د پرېښودو لپاره محدود وخت ورکړی.
اسلام آباد کې د UNHCR ویاند قیصرخان افریدي ویلي، پاکستان حکومت افغان کډوالو ته د یادو ښارونو پرېښودو لپاره ډېر کم وخت ورکړی، چې دا کار کډوالو ته جدي ستونزې جوړوي.
نوموړي ټینګار کړی، چې د کډوالو مسله باید د بشري حقونو له اصولو سره سم حل شي او د هغوی امنیت او اساسي اړتیاوې باید په پام کې ونیول شي UNHCR د پاکستان له حکومته غوښتي چې د افغان کډوالو د وېستلو پر پرېکړې بیاکتنه وکړي او هغوی ته دې کافي وخت ورکړي.
ملګري ملتونه وايي، د افغان کډوالو وضعیت باید د نړیوالو قوانینو او بشري اصولو له مخې حل شي.
په دې اړه د پاکستان حکومت تر اوسه رسمي غبرګون نه دی ښودلی، خو کډوال یې له سختو اندېښنو سره مخ کړي دي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/