گهیځ
کابل-ګهیځ نیوز(د وری/ حمل ۱۶ مه نېټه)
د ګهیځ نیوز د خبر له مخې ډان نیوز پاکستانۍ ورځپاڼې راپور ورکړی، چې د ملګرو ملتونو سازمان کارپوهانو له پاکستاني حکومت غوښتي، چې ژر تر ژره د افغان کډوالو جبري وېستلو لړۍ ودروي.
د ملګرو ملتونو سازمان د بشر حقونو څار ادارې د پاکستان یاد اقدام غندلی او دغه پروسه یې د کډوالۍ له ټولو نړیوالو قوانینو سرغړونه بللې.
د دغه سازمان کارپوهانو له پاکستان غوښتي، چې د یو ګاونډي هېواد په توګه خپلې اوږدې مخینې ته په کتو د افغانانو مېلمه پالنې ته دوام ورکړي او د کډوالو نیونې، تهدید او پر وړاندې یې د هر ډول فشارونو مخنیوی وکړي.
دا په داسې حال کې ده، چې افغان کډوالو ته د ټاکل شوي مهلت له پای ته رسېدو سره پاکستاني حکومت وړمه ورځ دغه هېواد کې د کډوالو نیولو پراخ عملیات پیل کړي، چې پر مهال یې د لسګونه کډوالو د نیونې راپورونه هم ورکړل شوي دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/
