گهیځ
کابل-ګهیځ نیوز(د سلواغې / دلو ۱۵ مه نېټه)
د ننګرهار کرنې، اوبو لګولو او مالدارۍ ریاست ویلي، چې یاد ریاست د ننګرهار په اوو ولسوالیو کې د ۷ چکډېمونو د جوړولو چارې پیل کړې.
د ننګرهار کرنې رییس مولوي محمد ولي محسن ویلي، د دغو چکډېمونو جوړول د باراني اوبو د ذخیره کولو او د ځمکې لاندې اوبو د سطحي لوړولو په موخه ترسره کیږي.
دا چکډیمونه به د ننګرهار په اچین، ګوشته، هسکه مېنه، پچیراګام، کامه، مهمندره او بټي کوټ ولسوالیو کې د یوې میاشتې په موده کې جوړ او ګټې اخیستنې ته وسپارل شي.
د دوی په وینا، د دغو چکډیمونو په جوړولو نږدې ۱۸ ميليونه افغانۍ لګښت راځي، چې د یوې میاشتې په ترڅ کې به ګټې اخیستنې ته وسپارل شي.
په دې اړه جوړو شویو مراسمو کې د کرنې وزارت د اوبو لګولو او نوې ټکنالوژۍ د ترویج رییس مولوي معاذ الله عادل وویل، د افغانستان په ټولو ولسوالیو کې د اوبو ذخیره کولو، سېلابونو مخنیوي او چینو او کاریزونو تاندولو لپاره د چکډېمونو جوړولو لړۍ روانه ده.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/