نورستان کې د ۶۰ کیلومتره سړک د بیارغونې چارې پیل شوې

کابل-ګهیځ نیوز(د لیندۍ / قوس ۲۸ مه نېټه)

د ګهیځ نیوز د خبر له مخې د نورستان ولایت ځایي چارواکو ویلي، د دغه ولایت د دوآب او منډول ولسوالیو ترمنځ د ۶۰ کیلومتره سړک د بیارغونې چارې پیل شوې.

د نورستان د کلیو، بیارغونې او پراختیا ریاست مسوولینو ویلي، چې یاد سړک ۶ متره پلنوالی لري او د خوړو نړیوال سازمان په مالي ملاتړ د ۱۵ میلیونه افغانیو په لګښت بيا رغول کیږي.

د دوی په خبره د یاد سړک کارونه به په ۶ میاشتو کې بشپړ شي.

د سیمې اوسېدونکي د دې سړک د بیارغونې له پيلېدو خوښي څرګندوي او وایي، چې له دې وړاندې د سړک تنګوالی د تګ – راتګ په برخه کې د خلکو لپاره لویې ستونزې رامنځته کړې وې.

د دوی په خبره، د سړک په بیارغېدو سره به د سیمې خلکو ته ګڼې اسانتیاوې برابرې شي.

ـــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/