گهیځ
کابل-ګهیځ نیوز(د لیندۍ / قوس ۱۴ مه نېټه)
د ګهیځ نیوز د خبر له مخې د هلمند ولایتي چارواکو ویلي، چې په تېرو دوو اونیو کې د دې ولایت په بېلابېلو سیمو کې شاوخوا ۳ زره جریبه دولتي ځمکه له غصب راګرځول شوې. د خبر پر بنسټ د غصب مخنیوي په دې کمپاین کې امنیتي او کرنیزو ادارو د یوشمېر غاصبینو د غصب مخه نیولې او ځینې غاصبین عدلي ارګانونو ته سپارل شوي دي.
د مسوولینو په وینا دا ځمکې د تېرو دوو اونیو پرمهال له غصب راګرځول شوي، چې غیرقانوني کورونه، هټۍ او د کرنې لپاره ترې ګټه اخیستل کېده.
د چارواکو په خبره د دولتي ځمکو د غصب مخنیوي په دې کمپاین کې د موسیٰ قلعه ولسوالۍ د زرکو د غره په شاوخوا کې سلګونه جریبه دولتي ځمکه د غیرقانوني تصرفاتو څخه هم پاکه شوې ده.
تر وړاندې هم هلمند کې له غصبه د زرګونه جریبه دولتي ځمکې د راګرځول کېدو راپورونه ورکړل شوي دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/