ټرمپ د برېکس غړو هېوادونو ته ګواښ وکړ

کابل-ګهیځ نیوز(د لیندۍ / قوس ۱۱ مه نېټه)

د ګهیځ نیوز د خبر له مخې د امریکا منتخب ولسمشر ډونالډ ټرمپ په خپلې ټولنیزې شبکې «تروت سوشال» کې برېکس سازمان غړو هېوادونو ته ګواښ وکړ.

نوموړي ویلي، که برېکس غړي هېوادونه په نړیوالو راکړو – ورکړو کې له ډالر څخه د بدیل نوي بانک نوټه کار واخلي، نو امریکا ته به د دوی پر صادراتو ۱۰۰ سلنه تعرفه وضع کړي.

ټرمپ له دغو هېوادونو غوښتي چې ژمنه وکړي، د ډالر پر ځای نوي بانک نوټ نه جوړوي او نه یې ملاتړ کوي.

هغه زیاته کړې، که دوی دغه اقدام ته دوام ورکړي، نو امریکا به له دوی سره ټول صادرات بند کړي.

برېکس سازمان، چې برازیل، روسیه، هند، جنوبي افریقا، ایران، مصر، ایتوپیا او متحده عربي امارات یې غړي دي، په دې وروستیو کې د ډالر د بدیل بانک نوټ طرحه روسیه کې د خپلې غونډې پر مهال وړاندې کړه.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/