گهیځ
کابل-ګهیځ نیوز(د کب/ حوت ۱۸ مه نېټه)
د ګهیځ نیوز د خبر له مخې د پاکستان د کورنيو چارو وزارت په تازه اعلاميه کې ویلي، چې د ACC کارت لرونکي افغان کډوال بايد د ۲۰۲۵ کال د مارچ له ۳۱مې نېټې وړاندې پاکستان څخه ووځي.
اعلاميه کې راغلي، دا پرېکړه د ۲۰۲۳ کال د نومبر په لومړۍ نېټه د غير قانوني افغان کډوالو د جبري اخراج د پيل شوې پروسې پر بنسټ شوې او کارت لرونکي افغان کډوال به هم له دې وروسته د اخراج له خطر سره مخ وي.
اعلاميه کې ويل شوي، چې ياد افغان کډوال دې تر دغې نېټې په پاکستان کې خپل کاروبارونه او کورونه ټول له دې هېواده وباسي.
دا د کډوالۍ رسمي اسناد لرونکي افغانان دي، چې د جګړو او ناخوالو له امله پاکستان ته کډه شوي دي.
افغان حکومت تر اوسه د دې تازه پرېکړې په تړاو رسمي غبرګون نه دی ښوولی، خو وړاندې يې پر پاکستان غږ کړی و، چې د اسلامي ورورګلوۍ اصول مراعت او کډوال دې د سو استفادې په موخه تر فشارونو لاندې نه راولي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/