گهیځ
ګهیځ نیوز: نن پنجشنبه (د چنګاښ ۱۶مه او د جولای میاشتې ۷مه نېټه ده) پاکستان سره د سوداګرۍ او ترانزیت په برخه کې د اسانتياو برابرولو انلاین غونډه وشوه.
د سوداګرۍ او صنعت وزارت پر خپله رسمي وېب پاڼه لیکلي، چې د دغه وزارت سرپرست وزېر نورالدین عزیزي او پاکستاني سیال یې سید نوید قمر په دې انلاین غونډه کې د سوداګرۍ او ترانزیت په برخه کې د اسانتیاوو رامنځته کولو او د راکړې، ورکړې د زیاتوالي خبرې کړې دي.
په خبر کې دا هم راغلي، چې داړو لورو په دې انلاین غونډه کې د سوداګرۍ او ترانزیت په برخه کې په داسې سوداګریزو اړیکو ټېنګار وکړ، چې د دواړو هېوادونو ملي ګټې پهکې خوندي وي.
د یاد وزارت په وینا، د پاکستان حکومت ژمنه وکړه چې د کرنیزو محصولاتو د صادرولو په برخه کې خپل ګامونه ګړندي کوي، ترڅو کرنیز محصولات په خپل وخت سره مارکېټونو ته ولېږدول شي.