گهیځ
کابل-ګهیځ نیوز( د حمل / وري ۱۵مه نېټه):
د ګهیځ نیوز د خبر له مخې یو شمېر پاکستاني رسنیو د خپلو ځایي چارواکو له قوله ویلي، چې دغه هېواد به له اختر وروسته د افغان کډوالو د وېستنې دوهمه لړۍ پیل کړي.
د خبر پر بنسټ، پاکستان څخه د افغان کډوالو د وېستلو په دوهم پړاو کې به ۶۶ زره هغه کډوال بېرته افغانستان ته واستول شي، چې د پاکستان حکومت د ۲۰۱۷ او ۲۰۱۸ کلونو ترمنځ پرې د کډوالۍ ځانګړي کارتونه وېشلي وو، خو اوس د پاکستان حکومت د نوې پرېکړې له مخې دا کارتونه باطل ګڼل کېږي.
دا کارتونه پر هغو کډوالو وېشل شوي وو چې د ملګرو ملتونو د کډوالۍ نړیوالې ادارې په مرسته بایومټریک شوي او د دوی د اوسېدو ځایونه د پاکستاني پولیسو سره ثبت شوي دي.
د پاکستاني چارواکو په وینا دغو کډوالو ته خبر ورکړل شوی، چې تر اختر مخکې په خپله خوښه افغانستان ته ستانه شي.
د نادرا ادارې مسؤولینو ویلي، د کډوالو د وېستلو په درېیم پړاو کې به هغه افغانان بېرته افغانستان ته ستانه کړل شي، چې په ۲۰۰۶ کال کې شناخت کارتونه پرې وېشل شوي وو او د هغوی شمېر یو اشاریه څلور میلیونه تنو ته رسېږي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/