گهیځ
کابل-ګهیځ نیوز( د دلو/سلواغه ۱۳ مه نېټه):
د امریکا د بهرنیو چارو وزارت په یوې خبرپاڼې کې ویلي، چې افغانستان کې د ښځو پر وړاندې د وروستیو محدودیتونو په غبرګون کې د امریکا د بهرنیو چارو وزارت پر ځینو افغان چارواکو نوي بندیزونه لګولي.
د بندیزونو په اړه که څه هم تفصیلي جزیات نه دي ورکړل شوي، خو د خبرپاڼې له مخې په دغو بندیزونو کې د سرپرست افغان حکومت د چارواکو ځینو کورنیو ته د ویزو ورکولو بندیزونه هم شامل دي.
خبرپاڼې زیاته کړې، دغه بندیزونه پر اوسنیو او پخوانیو چارواکو، د غیر دولتي امنیتي بنسټونو پر غړو او هغو کسانو چې د ښځو پر وړاندې یې د بندیزونو په لګولو کې ونډه اخیستې، لګول شوي دي.
خبرپاڼه کې امریکا اندېښنه ښودلې چې پر ښځو او نجونو د تعلیم، تحصیل او کار تر محدودیت لګولو وروسته له یو میلیون څخه زیاتې نجونې او ښځې له زده کړو او کاره محرومې پاتې شوې دي.
دوی وړاندې ویلي، تر هغې چې سرپرست افغان حکومت د ښځو او نجونو په ګډون د ټولو افغانانو بشري حقونو او بنسټیزو آزادیو ته درناوی ونه کړي، د نړیوالې ټولنې له خوا به یې ملاتړ ونه شي.
افغان لوري تر اوسه د دغو نویو بندیزونو په اړه غبرګون نه دی ښودلی.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې لۀ خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/