گهیځ
شنبه، د لړم ۱۴مه
کابل/ګهیځ: د هلمند ولایت د مرکز لښکرګاه په صنعتي ښارګوټي کې د پنبې او غوړیو نوې جوړې شوې فابریکې په کار پیل کړی دی.
باختر دولتي خبري اژانس په خپل رپوټ کې ویلي، چې د دغې فابریکې پرانستغونډه کې د سوداګرۍ او پانګونې خونې مسوول ژمنه کړې، چې هېوادوالو ته به په نورو برخو کې هم کاري فرصتونه برابر کړي.
په رپوټکې د یادې فابریکې د مرستیال محمد حلیم امیني په حواله ویل شوي، چې پر دغې فابریکې ۵۰۰ زره امریکايي ډالره پانګونه شوې او د شپږو میاشتو په موده کې یې چارې بشپړې شوې.
دوی خبر ورکوي، چې د فابریکې په بېلا بېلو برخو کې له ۷۰ څخه تر ۱۰۰ تنو ته د کار زمينه برابره شوې ده.
د معلوماتو له مخې، دا مهال په هلمند کې شاخوا ۱۲۰ فابریکې شتون لري چې ډیری یې فعاله او پر نورو یې عملاً کار روان دی.
