گهیځ
کابل-ګهیځ نیوز(د لړم / عقرب ۲۹ مه نېټه)
د ګهیځ نیوز د خبر له مخې د سرپرست حکومت چارواکو ويلي، د افغانستان ګاونډي او د سیمې هېوادونه په ځانګړې توګه چین او روسیه لېواله دي، چې دلته خپلې پانګونې زیاتې کړي.
د ارګ له لوري په خپره شوې خبرپاڼه کې ویل شوي، چې یو شمېر روسي پانګوالو د سرپرست حکومت له اقتصادي مرستیال سره په کتنه کې ویلي، چې غواړي افغانستان کې د زېربناوو، صنعت، سوداګرۍ، ټرانسپورټ، کرنې، اوسپنې پټلۍ او روغتیا برخو کې پانګونه وکړي.
په خبرپاڼه کې ویل شوي، چې په دې کتنه کې اقتصادي مرستیال ویلي، چې افغانستان کې په بېلابېلو برخو کې د پانګونې لپاره ښه فرصتونه برابر شوي او سرپرست حکومت له ټولو پانګوالو ملاتړ کوي.
په همدې حال کې د کانونو او پټرولیم وزارت مسوولینو هم د افغانستان د نفتو په استخراج کې د چینايي پانګوالو د لېوالتیا خبر ورکړی دی.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/