گهیځ
کابل-ګهیځ نیوز(د کب / حوت ۹ نېټه)
د ګهیځ نیوز د خبر له مخې کابل کې د چین سفیر ژاو شینګ د کډوالو او بېرته راستنېدونکو چارو وزیر مـ ـولوي عبـ ـدالکبیر سره کتنه کې افغانانو سره د خپلو همکاریو پر دوام ټېنګار کړی.
ژاو شینګ دې کتنه کې ویلي، د چین حکومت افغان کډوالو ته د ښارګوټو آبادولو برخه کې مرستې ته چمتو دی.
د چین سفیر د کابل او بیجینګ ډېپلوماټیکو اړیکو ته په کتو د افغانستان د اقتصادي ودې او پانګونې برخو کې هم د همکارۍ ډاډ ورکړی.
بل لور د کډوالو چارو وزیر ویلي، له ګاونډیو هېوادونو په جبر د افغان کډوالو را وېستلو په کور دننه د مرستو په رسونې اغېز کړی.
مـ ـولوي عـ ـبدالکبیر زیاته کړې، افغان حکومت کډوالو لپاره د استوګنیزو ښارګوټو د رغولو پلان لري او دې برخه کې یې د مرستندویه بنسټونو همکاري اړینه بللې.
چین داسې مهال افغان کډوالو ته د کورونو جوړولو برخه کې د چمتووالي خبره کوي، چې مسوولین وایي، دا مهال د هېواد په یو شمېر ولایتونو کې د کډوالو لپاره د ښارګوټو په جوړلو کار روان دی.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/