گهیځ
کابل/ګهیځ:
(د لړم/عقرب ۸مه او د اکټوبر میاشتې ۳۰مه نېټه ده) د کډوالو په چارو کې د ملګرو ملتونو د عالي کمېشنرۍ د بهرنیو اړیکو مسووله دومینیک ایزابل هاید د دې لپاره چې، د افغانانو د بشري اړتیاوو په اړه معلومات تر لاسه کړي، کابل ته راغلې.
هغې پر خپله ټویټرپاڼه لیکلي، چې دا مهال په کابل کې ده او په را روانو ورځو کې به دلته له ښځو د د دوی د حقونو او هیلو ته د رسېدو لپاره د مبارزې په اړه معلومات واخلم.
مېرمن ایزابل وایي، ښځې د دې هېواد بنسټ جوړوي چې په خبره یې د کورنۍ او ټولنې په ثبات او د افغانستان د ښې راتلونکې لپاره کولی شي ارزښتمن رول و لوبوي.
په ورته وخت کې د کډوالو په چارو کې د ملګرو ملتونو سازمان عالي کمېشنرۍ لیکلي چې په روان میلادي کال کې له ۴.۶میلیونه افغانانو سره د دوی له خوا د نغدو پیسو او د کورونو د وسایلو مرسته شوې ده.
دا په داسې حال کې ده چې د ملګرو ملتونو د معلوماتو له مخې، اوس مهال په افغانستان کې ۹۳ سلنه خلک له لوږې سره مخ دي چې بېړنیو مرستو ته اړتیا لري.
