گهیځ
ګهیځ نیوز: نن سې شنبه (د زمري/اسد ۴مه اود جولای میاشتې ۲۶مه نېټه ده) د ازموینې ملي ادارې، چې د تېر حکومت تر پرځېدو را وروسته یې فعالیتونه بندو، بېرته خپل فعالیت پیل کړ او له ۱۲۰ تنو څخه يې د آزادې سیالۍ له لارې ازموینه واخیسته.
د ملکي خدمتونو ملي ادارې سرپرست عبدالبصیر صدیقي وایي چې هڅې يې روانې دي څو په اداراتو کې روڼتیا رامنځ ته کړي څو له دې وروسته څوک په ادارو کې د ګمارنې له بهیره شکایت و نه کړي.
د چارو ادارې مرستیال سیف الدین طایب هم وایي چې د الکترونیکي ازموینو ملي ادارې پيلېدو سره به په ازموینو کې د فساد مخنیوی وشي او حق به حقدار ته وسپارل شي.
د ټولګټو چارو وزارت وايي چې ۱۴۲بستونو ته تر دوه زرو ډېرو خلکو نوملیکنه کړې ده او ۳۰۰ نور بستونه به په نږدې راتلونکې کې ازاد رقابت ته وړاندې شي.
